क्यानडा पढाउने प्रलोभन देखाएर ३७ लाख ठगी गर्ने एक जना पक्राउ
स्टार संवाददाता
क्यानडा पढाउने प्रलोभन देखाएर ३७ लाख ठगी एक जना पक्राउ परेका छन् । काठमाडौं जिल्ला, गोकर्णेश्वर नगरपालिकाबाट वैदेशिक रोजगारसम्बन्धी ठगी मुद्दामा काभ्रेपलाञ्चोकका ४२ वर्षीय अच्युत दुलाल पक्राउ परेका हुन् ।
दुलाललाई वैदेशिक रोजगार विभागबाट पक्राउ पुर्जी जारी भएको थियो । जिल्ला काभ्रेपलाञ्चोक मण्डनदेउपुर नगरपालिका–६, का दुलाललाई वैदेशिक रोजगार विभागबाट पक्राउ पुर्जी जारी भएपछि २०८३ साउन २४ गते गोकर्णेश्वर नगरपालिकाबाट पक्राउ गरिएको हो ।
दुलालले क्यानडामा वैदेशिक रोजगारीमा पठाइदिने भन्दै एक जना पीडितबाट ३७ लाख रुपैयाँ लिएको सम्बन्धमा पक्राउ परेका उनलाई आवश्यक अनुसन्धान तथा कारबाहीका लागि सम्बन्धित निकायमा बुझाइएको प्रहरीले जनाएको छ ।
पछिल्लो समय वैदेशिक रोजगारीमा देखिने समस्या झन विकराल बन्दै गएका छन् । यो समस्याबाट हरेक दिन ठगीदै आए पनि सरकारले उचित कानुनको व्यवस्था नगर्दा कयौंको घरबास उठ्नुका साथै झेल्नु कष्ट झेल्ने गरेका छन् ।
सम्बन्धित समाचार
