साँफे–मार्तडी सडक अवरुद्ध, सवारी साधन ठप्प

बाजुराको साँफे–मार्तडी सडक पूर्णरुपमा अवरुद्ध भएको छ । हिजो राति परेको अविरल वर्षातका कारण सडकको माथिदेखि पहिरो गएपछि सो सडक पूर्णरुपमा अवरुद्ध भएको हो । 

साँफे –मार्तडी सडक खण्डअन्तर्गत पर्ने राप्का सेलाघाट, सुवाखाँद पावरहाउस र  कारागार मुनीको सडकको बिच–बिचमा ठुलो पहिरो गएपछि अहिले जिल्लामा आउने सबै सवारी साधन तिपाडा जडाङ्गामा राप्का लगायतका विभिन्न ठाउँमा रोकिएको जिल्ला प्रहरी कार्यालय बाजुराले जनाएको छ ।  

पहिरोले मानवीय क्षति नभए पनि यहाँ भौतिक रुपमा भने ठुलो क्षति भएको जिल्ला प्रहरी कार्यालय बाजुराका प्रहरी निरीक्षक गगनसिह भाटले बताउनभुयो । उहाँले भन्नुभयो, “पहिरोका कारण अहिले यहाँ दुई–चार घरमा पूर्णरुपमा क्षति भएको छ ।” 

अहिले प्रहरी टोली घटनास्थलमा गएको छ । पहिरोको कारण कहाँ के क्षति भएको भन्ने कुरा त्यहाँ पुगेपछि मात्र जानकारी हुने भाटले बताउनभुयो ।